Şb. Mar 28th, 2020

tv1.space

internet televiziya

Mehriban Əliyeva Vaqif Mustafazadəni yad etdi: “O, qısa, lakin mənalı ömür yaşadı” – FOTO

2 min read

Azərbaycan Respublikasının Birinci vitse-prezidenti Mehriban Əliyeva görkəmli musiqiçi, bəstəkar, muğam və caz musiqisinin sintezini yaratmış Vaqif Mustafazadənin doğum günü ilə bağlı paylaşım edib.

Mehriban Əliyeva şəxsi “Instagram” səhifəsindən yayımladığı mətndə görkəmli musiqiçinin yaradıcılığından bəhs edib:

“Vaqif Mustafazadə… Bu ad hər birimizdə ən xoş duyğular oyadır. Qısa, lakin mənalı ömür yaşadı. O, dərin köklərə malik qədim Azərbaycan muğamı ilə caz musiqisini uğurlu sintez edərək dünya musiqi inciləri xəzinəsinə caz-muğamın təkrarolunmaz nümunələrini bəxş etdi.

Qəlbləri titrədən gözəl melodiyaları və ritmləri milli musiqi irsimizi daha da zənginləşdirdi və bütün dünyada tanıtdı. 80 illiyi qeyd olunan Vaqif Mustafazadənin adı və yaradıcılığı yaşayır və daim yaşayacaqdır.

Azərbaycan musiqi mədəniyyətinin görkəmli nümayəndəsi Vaqif Mustafazadənin xatirəsinə ehtiram əlaməti olaraq Heydər Əliyev Fondu tərəfindən 2012-ci ildə bəstəkarın həyat və yaradıcılığından bəhs edən musiqi albomu nəşr edilmiş, yaxın zamanlarda isə əsaslı yenidənqurma işləri aparılan Vaqif Mustafazadə adına 2 nömrəli Uşaq incəsənət məktəbi istifadəyə veriləcəkdir”.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Copyright © tv1.space | Newsphere by AF themes.